NAGPADULONG NGADTO SA MAS LIMPYONG KAUGMAON: SGLGIF GARBAGE TRUCK TURN-OVER

Karong adlawa, Pebrero 27, 2025, mapasigarbuhong nadawat sa Lokal nga Pangagamhanan sa Sogod ang usa ka bag-ong garbage truck pinaagi sa Seal of Good Local Governance Incentive Fund (SGLGIF) 2023! 🏆 Kini nga grant gihatag sa atong LGU isip pasidungog sa atong paningkamot sa transparency, accountability, ug epektibong lokal nga pangagamhanan, nga nakatuman sa hugot nga mga sumbanan sa Seal of Good Local Governance (SGLG).

Ang seremonyang turn-over nga gipahigayon sa Municipal Conference Hall gitambongan ni DILG Provincial Director Danny Laguitan, Cluster Head Estella H. Creer, MLGOO Atty. Rafunzel S. Bero, ug uban pang mga personahe sa DILG, kauban ang atong Municipal Mayor, Bise Mayor, mga SB Members, mga Department Heads, ug uban pang mga kawani sa munisipyo. Kini nga mahinungdanong kalampusan nagpakita sa atong padayon nga dedikasyon sa pagpalambo sa serbisyo publiko ug pagdumala sa kalikupan alang sa usa ka mas limpyo, mas berde, ug mas malungtarong komunidad!